(05/2012)

Ancu à esce.

V’eccu dunqua cù Stefanu una racolta in forma d’ottàgonu, ottu ànguli di vista, dunqua ottu lati particulari. Singhi parsunaghju t’hà u so pani ughjernali fattu d’un impastu di vai smisurati, vai trimenti, vai neri. Sò imbuccati in a vaddi lacrimosa di l’umanu gènaru, impittendu da Stephen King ad Agatha Christie.
U tema di una nuvella ùn risiconda cù quiddu di un’ antra. Ognuna dici a soia. A sola leia da una à l’altra hè a penna di l’autori, veni à dì u so stilu, ciò chì a so menti ci palesa. Senza mancu chì l’autori dicissi nienti. Com’è ch’eddu ci fussi guasi fisicamenti un intervallu da una nuvella à l’altra è cusì vìa. Cusicchì viaghja pruspirosamenti a scrittura di u nuvellista. Una nova, hè calcosa chì successi, chì succedi, chì hà da succeda. Dicia a voci antica : Bona nova corri innanzi. Ma innanzi à chì ? Innanzi à quali ? Eppo dundi ? Or quandu ?

Rinatu COTI

ISBN : 978-2905790-98-9

96 pagine

Prezzu : 10 € 

ancu à esce - previstu di veranu di u 2012